تساؤلات..............

 تساؤلات...

تســــــــاؤلات

الجزء الأول والأخير

ليه عندما تكون بطارية الريموت كنترول ضعيغة نقوم بالضغط بقوة على الأزرار

يعني بهالطريقة منشحن البطارية ؟؟؟

ليه نخفض صوت المسجلة أو الراديو عندما نشعر إننا دخلنا بطريق خاطئ

يعني إذا سمعنا منيح رح نعرف الطريق الصح ؟؟؟

ليه عندما ينزل عرض نكتب انه يوجد هدية مجانية

يعني في بالعالم هدية غير مجانية ؟؟؟

ليه عندما نكون بالبيت ومنطلع من الشباك والمطر كابسة برا .. نتساءل عم ينزل مطر برا !!

يعني في شي مرة مطرت جوا مثلا ؟؟؟

ليه وقت نشوف لافتة عالحيط مكتوب عليها احترس من الدهان ما منصدق ومندقر الحيط باصبعنا

يعني لازم يحلف اللي دهن الحيط حتى نصدق ؟؟؟

ليه وقت نصف السيارة بموقف خالي من السيارات وبجي واحد بدو يصف ما بشوف محل إلا جنب سيارتك

يعني مشان يتسلوا السيارات مع بعض مثلا ؟؟؟

ليه وقت نطلب المصعد وبتأخر منضغط مرة ومرتين وعشرة

يعني هيك رح يستحي على دمو وينزل بسرعة ؟؟؟

ليه وقت نوصل على المصعد ونشوف شخص واقف عم يستناه منضغط على الزر

يعني هو واقف عم يطلب شاورما مثلا ؟؟؟

ليه وقت نحاول نطعمي ولد صغير منفتح تمنا كمان

يعني بهالطريقة بقتنع انو ياكل ؟؟؟

ليه وقت نفيق الصبح منرجع منام شي عشر دقايق

يعني نمت سبع ساعات وها لعشر دقايق رح تفرق معك؟؟؟

ليه اول ما ننام ونسمع شخص عم يشخر منقول يالله لحق ينام

يعني في حدا بشخر وهو فايق؟؟؟

ليه وقت تكون قاعد بمحل عام ويرن الموبايل مباشرة منطلع على موبايلنا

يعني ما في حدا بالكون حامل موبايل إلا انت؟؟؟

ليه وقت نطلع بتكسي منطلع على العداد دايما

يعني اذا طلعنا كتير وزورنا العداد رح تنقص التسعيرة مثلا؟؟؟

ليه وقت نوقف تكسي شاعل اخضر منسألوا فاضي معلم

يعني ممكن نقلوا نزيل تمشى معي شوي؟؟؟

ليه وقت نشوف ولد صرلنا زمان مالنا شايفينه منقول:والله كبران

يعني في ولد بصغر مثلا؟؟؟

ليه وقت نزور حدا كبير بالعمر من الأقرباء منسلم عليه وبصوت عالي وعياط

يعني كل واحد كبير بكون طرشان؟؟؟