هااااااااااي شباب وصبايا
كيفكون شو أخباركون؟؟؟
شو رايكون نفتح شي موضوع للنقاش؟؟؟
بيزعجني في بعض الاحيان ..
يعني مو بعض ... كتير أحيان
هاد بلا طول سيره بدي احكي عن بعض المصطلحات يلي تستخدم بكثره
بلغتنا العاميه ويلي بحسها من دون فائده ومالها معنى بنوب
ايوا هون حطنا الجمال ..
هلأ بالسطرين يلي فوق شو حكينا؟؟
"
كلمه بلا طول سيره " 
يعني بتلاقي شخص عم يحكي ويلعي ليلعي قلبك
وبالاخير بقلك اي بلا طول سيره القصه هيك هيك هيك
طيب لشو لتاخد من وقتي شي ساعة زمن
وانت فيك تختصر الموضوع بربع ساعه
ويلي بيئهر بقلك بلا طول سيره
" بلا معنى " 
بتلاقينا قاعدين وعين الله علينا متابعين الحديث
وبنص هالحديث بتنط كلمه بلا معنى بتخليك اتوقف
واتقول بحالك يا ترى شو المعنى يلي قاصدتو
ويا ترى المعنى يلي خطر ببالي هو ذاتو يلي عم تحكي عنو
"
فهمت علي شلون.." 
بتكون عم تحكي مع شي حدى وعم يوصفلك ويشرحلك عن شي موضوع مهم
وانت كل انتباهك معو وما بتلاقي غير كلمه فهمت علي شلون قطعت سلسلة افكارك
يعني لشو ما افهم وانت صرلك ساعه عم توصف وتشرح
ولا مو معبي عينك اني انسان عندي القدره الكامله للاستيعاب
"
بلا معلميه عليك " 
بكون دمك فاير ودرجة التعصيب واصله لدرجة الميه وعم بتحاول انو تجرب كل الطرق
لحتى شغلك يمشي والنقطة يلي واقف عليها تخلص منها وتنتقل لغيرها
بيجي واحد ما فهمان من الموضوع وين الخمسه و وين الطمسه
وبقلك بكل برود اعصاب بلا معلميه عليك هي بتصير هيك
يعني وكأنو عم بقلك انك ما بتفهم شي وانو ال...... افهم منك
" يسطفلو " 
ببعض الاحيان
بتلاقي تنتين قاعدين وقبالهم هالاهوه ونازلين حكي عن شي موقف
وعم بيحللو كل كلمه انقالت وعم بيفتشو عن سبب احرف الجر يلي استخدموها بالموقف
وبعد ما تخلص الاهوه وبعد ما يكونو شربو شي عشر فناجين
وما خلو حدى الا حكو عنو وعن اهلو وجدودو وجدود جدودو بتقلك
اييييييييييييييه يسطفلو
كتير في مطصلحات مالها فائده
يا ترى شو المصطلحات يلي ما بتحبها ولا بتحب تستخدمها
احكو ولا تخجلو ما حدى شايف بس العالم الافتراضي كلو
بخخخخخخخخخخخخخ
تشاااااااااااااااو
الرئيسية 
البوابة 
أحدث الصور 
التسجيل 
دخول 
2010-11-17, 9:33 am من طرف 
